BonaireInternacional

Anochi Ku Luna Yen, Na Kunuku Altá Mira unjo E tema ta; “ Kuenta i Storia di Pasku Grandi

Luna Yen

SKAL I KOMISHON DI LUNA YEN ta kontinuá ku aktividatnan segun su kalènder
kultural. Anochi ku Luna Yen, un inisiativa ku a nase den pasado for di algun siudadano ku gran
pashon pa nos idioma papiamentu.
SKAL ta keda pone énfasis ku meta prinsipal di e evento pa stimulá otro pa skirbi, deklamá,
konta storia, kanta òf presentá obranan kòrtiku na papiamentu.
No neglishá bo kapasidat i bin demostrá ku bo por. Nos ta apresiá i respetá tur obra, ku
eksepshon di palabranan bulgar, polítika, problemanan personal i tur loke ku no ta kuadra ku
nos aktividat.
Manera semper, ta keda liber na kada bishitante pa trese algu di boka dushi pa kompartí ku otro
bishitantenan i un súplika pa tur hende bini ku nan propio stul.
Anochi ku Luna Yen ta keda un evento sosial di pueblo i pa pueblo, pues un i tur ta
kordialmente bonbiní.

Anochi ku luna yen e biaha aki ta tuma lugá na Kunuku Altá Mira Unjo na Rincon. Orario di
kustumber ta di 7-or pa 9-or di anochi, tema prinsipal ta: Kuenta i Storia di Pasku Grandi pero di
mes por konta poesia òf chistenan úniko. Pa e persona nan di playa ku no tin transporte e bus
ta sali for di SKAL 6:30-or rumbo pa Rincon i pariba di Misa Rincon e bus ta pasa 6:45-or pa
luego sigui direkshon di kunuku Altá Mira Unjo. Un súplika na tur esnan ku mester di transporte
pa Rincon pa hasi reservashon na tempu na SKAL di e forma aki nos por hiba un mihó
komunikashon ku otro.

Related posts

Hulanda, Aruba, Corsou y Sint Maarten a yega na un acuerdo riba introduccion di e proposicion di ley pa e Ley di Reino Organo Caribense pa reforma y desaroyo (COHO)

EA News Author

Parlamentarionan ta considera e reunion tripartiet un exito

EA News Author

Pèst di porko afrikano ketu bai un menasa pa porko na Boneiru

EA News Author

Leave a Comment

Whatsapp Message