Awor tanto na Aruba y Corsou parehanan di mes un sexo por casa

Hof ta declara cu pa ley na Aruba y Corsou un matrimonio por tuma luga entre dos persona di diferente sexo of dos persona di e mesun sexo. Sinembargo aunke cu nan por casa cu otro y tin e vonnis aki no tin consecuencia pa duna pareha di mesun sexo e posibilidad pa por pidi pa adoptacion di un mucha of tampoco ta duna derecho pa un casa di un matrimonio di mesun sexo pidi adoptacion di e yiu di su casa. Un caso hopi interesante cu a tuma luga na Corsou y cu tanto Aruba y Corsou a haya un claridad unda cu e parehanan por casa na nan pais mes. Awor Conforme legislacion di Aruba y Corsou, unicamente parehanan di sexo diferente por casa cu otro.

Corte Comun a dicta dos sentencia, esun di Aruba ta papia riba di un pareha di mes un sexo awor lo por casa cu otro na Aruba. Na Aruba Fundacion Orguyo Aruba a bin dilanti cu e caso aki unda cu dos hende muhe a entama caso contra Pais Aruba. Na Corsou ta trata di un caso cu Human Rights Caribbean Foundation y dos hende muhe a entama contra Pais Corsou. Awor tur tres isla den caribe tanto Aruba Boneiro y Corsou personanan di mes un sexo por casa.