10 aña pasá Joseph Martijn a kuminsá traha na Entidat Públiko Boneiru komo empleado na asuntunan ekonómiko.
Joseph ta un hende di sifra. Un gran parti di su trabou ta konsistí di hasi kalkulashon. E ta kalkulá por ehèmpel preis di kombustibel. Banda di esei e ta analisá entre otro petishon pa supsidio i e ta duna konseho tambe tokante esaki.
Joseph ta un kolega alegre i un tremendo ‘teamplayer’. Henter departamento di asuntunan ekonómiko ta deseá Joseph un bunita hubileo i hopi aña fruktífero mas na Entidat Públiko Boneiru.
