Xochi Woorts Fundador di Duna Lus na 2005 ta anuncia cu Aruba tin un partera nobo. Maria Villamarin Ramirez Na Hulanda tin un tekort di partera y awor Aruba a haya su di 8 partera! Esaki ta bin cu un beneficio grandi pa Aruba.
Su estudio a cuminsa na 2015 na Academie Verloskunde Amsterdam (AVAG). Un di su 2 buitenlandse stages Maria a core na Duna Lus na 2018 cual e la caba exitosamente.
Nos a wak un collega cu por domina nos 4 idiomanan, ta eficiente cu un pasion pa su trabou. Su otro buitenlandse stage Maria a elabore na Inglatera. Aki e la dicidi di analisa e database di un estudio grandi (Babies Born Better) cual ainda ta tumando luga na e momentonan aki na Europa.
E estudio aki lo evalua con e pacientnan ta experiencia e cuido medico durante nan embaraso y parto. 26 pais ta participa na e estudio aki. Maria tabata asina inspira cu e la dicidi pa haci su afstudeer scriptie basa riba e estudio aki y e la presenta esaki na Lissabon (from birth to health conference) na unda e la gana hunto cu su studiegenoot e Best Abstract.
Na 2020 Maria a gradua como partera y a cuminsa su carera na Hulanda unda e la traha na diferente praktijk. Na 2021 e la tuma un training riba Anticonceptie counseling/plaatsen. Na e momento aki nos ta bezig cu tur preparacion pa Maria por cuminsa duna e servicio aki tambe na Duna Lus. Januari 2021 Maria e dicidi di bin Aruba bek y ya tin 10 luna ta traha na Duna Lus, awo cu e la caba di finalisa su contract cu AZV e ta spera di por duna su aporte na e sector medico di Aruba.
