Miembro di Parlamento pa frakshon di MFK, David Seferina ta hopi satisfecho ku kontesta nan duna dor di minister di hustisia sr. Shalton Hato pa ku e posishon hurídiko di ámtenarnan militar di Kòrsou.
Despues ku parlamentario Seferina den un karta fecha 10 di yanüari 2022 a lansa diferente pregunta na minister di hustisia tokante e posishon hurídiko i tambe e ruta di fluho pa e ámtenarnan militar (doorstroming traject), Parlamentario Seferina a bin haña kontesta nan satisfaktorio di minister Hato i ku kosnan ta kana den direkshon positivo pa ku ámtenar nan militar.
For di aña 2013 tabata tin un grupo di trabou ku tabata atendé pa trese adaptashonnan nesesario na e dienstplichtverordening 1961 i ku no a terminá esaki te ku dia di awe. Esaki ta pone ku minister Hato a pone prioridat pa trèk e lei di moda ku e aña’ki esaki bira realidat.
P’esei Parlamentario Seferina i henter frakshon di MFK ta felisitá Minister Hato pa e muestra di kurashi, i balentia ku e la demostrá pa trèk e proyekto di lei aki i ku “muy pronto” konforme e pakete di pais H17 esta e( landenpakket)esaki lo bin terminá.
Parlamentario Seferina lo keda vigilá e situashon di aserka, pa kontrolá ku minister Hato, den e kaso aki, ta kumpli ku su promesa i responsabilidat manera ku e la palabra ku parlamento.