Proyecto di Port City presenta na “Lenders” y na diferente compania

Prome Minister tabata presente pa atende evento organisa pa Aruba Ports Authority (APA), na unda nan a presenta oficialmente e proyecto di Port City na “lenders” y na diferente compania.  Prome Minister, durante su discurso a splica tocante e impacto cu e pandemia tabata tin riba e economia di pais Aruba y e pasonan cu Gobierno mester a tuma e tempo ey pa salvaguardia bida di esnan severamente afecta. Prome Minister tambe a indica cu actualmente pais Aruba ta den recuperacion y cu inversionnan den proyectonan manera Port City ta di gran beneficio pa e economia di e pais.