Tourism Product Enhancement Fund (TPEF) y A.T.A ta maneha e proyecto di Boeinan den lama. Tanto gobierno di Aruba y TPEF y A.T.A ta na altura di e situacion di e boeinan y decisionnan y accionnan a cuminsa tuma luga.
Segun minister Dangui Oduber lo reemplasa tur e boeinan cu ta den mal estado actualmente. E realidad ta cu e boeinan ya caba tabatin algun tempo caba poni pero door di mal tempo lama a bira bruto y esaki a conduci cu a daña mayoria di e boeinan cu a keda poni, pero awor aki ta e momento di reemplasa tur e boeinan. Segun minister di Turismo Dangui Oduber ya caba a pone e fondonan disponibel pa por reemplasa tur e boeinan cu ta den mal estado debi cu e ta hopi importante pa e siguridad di nos local nan cu ta uza e lama, pero tambe pa e bishitantenan cu ta landa na canto pa tin e boeinan poni pa asina sa te na unda nan por landa y pa nan ta safe tambe den lama.
