Aruba ta sinti cu hopi ta wordo papia di sclavitud , pero tiki ta ser scucha

Den e reunionnan di IKO Shailiny Tromp Lee di delegacion di Aruba a expresa su mes den sala cu na Aruba e tema di sclavitud no tabata un discucion grandi. Na momento cu esey a keda presenta Aruba tabata hopi druk bezig den atande cu nan finansas publico y tambe presupuesto di Aruba. Sinembargo tampoco Aruba a haya notificacion na ora pa asina por aplica pa subsidio pa por haya un presupuesto pa haci un campanja riba e topico aki riba e isla, Asina Miembro di delegacion di Aruba Shailiny Tromp Lee a vocivera den sala.