Aruba a ricibi 1.7 miyon Euro pa proyecto Multi-hazard early warning systems pa Aruba y ta prome den Caribe

Prome Minister Evelyn Wever Croes a reuni na Bureau RampenBestrijding Aruba y cu tur e miembronan di crisis team despues cu Aruba a haya e bon noticia cu Aruba ta wordo financia door di union Europeo pa un proyecto cu ta bay haci un  Multi-hazard early warning systems (MHEWS) na Aruba.

Segun Prome Minister Evelyn Wever Croes cualkier calamidad kier ta wordo  avisa adelanta. E deseo y e necesidad a bin di Aruba for di basta tempo unda cu BRA tabata traha riba e parti aki unda cu tabata desea di tin un sistema na su luga unda cu ta anticipa riba kico por bay pasa.

E sistema cu Aruba ta bay haya ta un sistema cu ta analisa fenomenonan metrologico, sistematologico  pa asina por yega na conclusionnan y duna avisonan trempan. Segun prome minister EVelyn Wever Croes importante ta cu e aviso ta yega tur caminda y mester  saca tur aviso den tur idioma y forma posibel pa asina tur hende por haya e informacion necesario.

E sistema lo guia na momento cu mester cuminsa den e proceso di evacuacion of na momento cu mester tuma medida di precuacion. Esaki ta e sistema di early warning systems. Bureau RampenBestrijding Aruba a skirbi na Union Europeo pa e proyecto aki pa Aruba y awe Aruba a haya e noticia cu Aruba lo ricibi 1.7 miyon Euro pa e proyecto y na unda cu Aruba lo bira un pionero den Caribe.

Den 5 aña ya caba nacionnan Uni a stipula cu tur pais similar cu Aruba mester tin un tipo di sistema nan asina aki unda cu ta cana adelanta di kico por pasa y por tuma accion na tempo. E meta di un sistema asina aki ta pa scapa bida di hende y na fin di dia esey ta loke cu gobierno kier. E di dos ta pa por minimalisa e dañonan cu lo keda causa pa asina keda cu forsa pa recupera bek despues. Prome Minister Evelyn Wever Croes ta hopi contento cu ta habri e workshop unda cu henter  crisis team lo tin training y preparacion pa cu esaki.

Ta spera cu entrante juni 2024 full e sistema  ta operacional y di awo pa e tempo ey lo mester por yega na tur e ciudadanonan di nos pais di kico ta e importancia di e sistema aki y asina pa nos por logra. Cooperacion di tur ciudadano y tur instancianan na Aruba ta esencial den e proceso aki.

Ta conoci cu durante di COVID tin situacionnan a sosode cu e comunidad no ta tene su mes na dje, pero na mes momento  ta prome biaha cu Aruba ta pasa den un pandemia y ningun hende no ta prepara y e tabata algo mundial tambe unda cu por tuma nota di e otro paisnan con nan ta maneha e situacion.

Pero importante di e caso aki ta cu no ta solamente tecnologia nan prueba pero tambe metodonan di salba bida prueba. Sinembargo e escenario di COVID ta diferente na un escenario di un horcan di categoria 5 cu lo ta bin den direccion di Aruba ta kere cu hopi hende ta para keto un rato kico esey a haci na otro islanan den region manera St Maarten. Segun prome Minisyter Evelyn Wever Croes den e fase nos dilanti ta e parti di conscientisacion y lo duna mas atencion na esey tambe.