62 Campeonato Mundial di 10×10 Dam Internacional

Dia 4 di september directiva di Federacion Dam Corsou a tene un Conferencia di Prensa caminda a duna informacion tocante e magno evento historico di dam cu ta bay tuma luga na Corsou dianan di 28 september pa 13 october 2023 den Sambil Conference Center.

E evento aki ta e prome campeonato mundial tene aki na ĶCorsou, caminda participantenan di tur shete continente di mundo a participa pa por a clasifica pa e torneo final aki. Tambe ta prome biaha den 35 aña cu e ta bek den e area di Americas, Surnam tabata e ultimo biaha na 1988.

Presidente di di Federacion Dam Corsou y Tournament Director, Sr. Clifton Agata a indica cu

esaki no ta solamente un ocasion monumental pa e mundo di weganan di dam, pero tambe pa Corsou. Nos ta na un crusada unico caminda e deporte prestigioso aki di e wega dam Corsou ta concentra cu e rikesa cultural di isla di Corsou.

Mester compronde cu nos no ta solamente hungando wega awor, nos ta haciendo historia. E

evento aki lo ta un parti permanente di e historia di Corsou. E di 62 Campeonato di Mundo di Weganan di Dam ta representa e balornan universal di competencia, strategia, y amistad.

E supervisor di e torneo y Chief Referee ta Sr. Hensley Rondei cu lo encabesa un team di 12 referee. Sr. Rondey a duna u splicacion amplio di e formato y reglanan importante di e torneo. Presidente di Federacion Deporte Olimpico Corsou, Sr. Jean Francisca a indica, entre otro, cu e ta sumamente orguyoso di e esfuerso y perseverancia di Sr. Clifton Agata y su directiva, dos aña largo, pa por a logra pa Corsou tin e honor historico pa organisa e campeonato aki.

E diferente Grand Masternan Internacional ta bini for di Africa, Asia, Europa, y Americas (Merca y Caribe) representando nan propio pais y nan federacionnan. Un total di 20 Grandmaster Masculino i 16 Gramdster Femenino pa un total di 26 participante.

Tur wega lo keda transmiti bibo via di e pagina social Facebook di y Youtube channel di: Federashon Dam Corsou for di 10or di mainta. Federacion Dam Corsou a expresa un gradicimento inmenso pa cada un di e Partnernan cu a kere y ta sigui kere den e Wega di Dam aki na Corsou y ta invita tur otro pa nan tambe forma parti di e evento historico aki pa Corsou.