Unit Narcotica no ta drumi y ta trahando duro riba diferente caso. Desde luna di november Unit Narcotica ta investigando un caso grandi di droga. Ta trata di un grupo criminal cu ta importa y bende droga na Aruba.
Durante e investigacion Unit Narcotica a detene diferente sospechosonan.
E sospechosonan ta: un homber di inicial J.E.M. naci na Republica Dominicana 28 aña di edad. Un hende muher di inicial J.M.M.M naci na Republica Dominicana 29 aña di edad tambe a detene e homber di inicial M.L.S. naci na Merca 67 aña di edad como sospechoso den e dicho caso aki.
Durante e investigacion aki a haci dos entrada hudicial, unda a haña y a confisca un cantidad di placa como tambe diferente tipo di droga.
E caso grandi aki keto bay ta den pleno investigacion. No ta descarta cu lo tin mas detencion den e dianan nos dilanti.
Cuerpo Policial ta haci un apelacion pa e persona cu sa algo of a wak algo yama e tiplijn di polis cu ta 11141