Recientemente a tuma lugar e termina e e curso “Bariozorg” cu a wordo duna na nos polisnan di bario.
Ta di aña pasa e agentenan policialnan di e departamento di bario a cuminsa e curso aki cu a wordo duna door di docentenan di Academia di Polis di Hulanda.
E docentenan sr.Frans van Driel y sr.Frits van Dijk a keda impresiona cu e dedicacion di cada un polis. No tabata facil door cu mester a combina trabao y e curso na e mesun momento.
Altocomisario sr.Arnhem tambe tabata presente na e final di e curso y a duna su palabra di aprecio pa cu cada un colega.
Su vision ta pa nos polisnan sigi cursonan pa por sigi avansa y desaroya nan carera policial. Di e forma aki nos polisnan ta prepara pa por sigi brinda nos comunidad e ayudonan necesario riba nivel.
Como cabez di un organisacion e base mester ta solido den e parti educativo como tambe e parti di material. Asina polisnan ta keda wordo motiva den nan trabao.
Pabien na cada un colega cu a caba e curso cu exito. Nos ta orguyoso di bosonan!
