ORANJESTAD,Aruba
Na momento di reduci e medidanan actual den acuerdo cu e “ Ministeriele Regeling AB 1989 no.62
Algemene regeling bestrijding COVID-19” (e.o. shutdown, toque de queda, lockdown) e ta esencial pa tur hende sigui e medidanan preventivo relaciona cu distancia social y higiena. Pa cu
esaki, Directie Volksgezondheid (DVG) a establece e condicionnan minimo cu ta wordo rekeri.
E condicionnan aki ta conta pa tur hende cual lo wordo controla.
E implementacion di tur medidanan rekeri ta responsabilidad di cada dunado di trabou y lo
wordo controla door di un ‘taskforce’. Durante e control aki, e ‘taskforce’ concerni lo controla a
base di e diferente medidanan rekeri manera menciona akibou. Den caso cu no ta cumpli cu e
medidanan rekeri, e dunado di trabou concerni por wordo instrui pa cera su negoshi a base di e ley y
reglamentonan anteriormente menciona.
1) Medidanan pa garantisa distancia social
Cada compania/organisacion/institucion/dunado di trabou ta tuma e medidanan necesario pa realisa e distancia social di minimo 1.5 meter entre e personal y/of personal y
bishitantenan, pa asina garantisa e siguridad y salud di tanto e personal como tambe di
clientenan. Si ta posibel, ta sugeri pa empleadonan traha lo mas posibel for di cas y/of traha
conforme orarionan flexible.
Akibou ta sigui un lista di e medidanan minimo cu dunadonan di trabou mester adkiri na nan
pa asina garantisa distancia social na luga di trabou:
• E dunador di trabou ta carga e responsabilidad di indica y organisa e luga di trabow y areanan
comun den e compania den un forma cu ta garantisa e distancia social manera anteriormente
menciona.
• Tambe mester tene cuenta cu e fluho di personanan (relevancia dependiente di e naturalesa y
tipo di trabou cu ta wordo realisa)
• Mueblenan di pafor (e.o. mesanan, bankinan, stoelnan) di e edificio mester wordo kita pa asina
clientenan y/of personal no por sinta banda di otro. Mueblenan di paden tambe mester wordo
retira, separa of protehi.
• E dunado di trabou ta carga e responsabilidad pa informa y/of duna instruccionnan na e personal
relaciona cu e importancia di distancia social na lugar di trabou como tambe pafo di esaki
• Remplasa reunionnan fisico mas tanto cu ta posibel cu reunionnan via servicio di comunicacion
online y/of yamadanan telefonico.
• Den caso cu reunionnan mester sosode fisicamente, mester mantene un lista di nombernan di
esnan cu ta presente.
• Den caso cu tin bishitantenan, e siguiente ta aplicabel na momento di acceso:
• Limita e cantidad di bishitantenan teniendo na cuenta e distancia social minimo di 1.5 meter.
• Bishitantenan cu no ta tene nan mes na e medidanan ta wordo pidi pa bandona e organisacion of tereno di e negoshi inmediatamente.
Condicionnan pa luganan di trabou/
companianan medidanan preventivo
COVID-19
2) Medidanan pa garantisa bon higiena
Cada organisacion/dunado di trabou ta tuma e medidanan necesario pa asina facilita bon
higiena na e luga di trabou y ta promove esaki pa asina garantisa e siguridad y salud di e
personal como tambe di bishitantenan. Akibou ta sigui un lista di e medidanan minimo cu
dunadonan di trabou mester adkiri na nan pa asina garantisa bon higiena na e luga di trabou:
• E dunado di trabou ta garantisa luga di trabou limpi y higienico; e superficie (manera lessenaar
y mesa) y otro obheto (manera telefon, keyboards) mester wordo limpia cu desinfectante
regularmente. E regularidad ta depende di e cantidad di cliente/bishitante/personal cu ta haci
uzo di e luga di trabou/superficie, obhetonan y auto di compania.
• E dunado di trabou ta sigura cu e superficienan cu ta mishi cu ne constantemente manera;
switchnan di luz y mannan di porta etc, lo wordo haci limpi regularmente.
• E dunado di trabou ta pone na disposicion di e empleadonan suficiente productonan di limpiesa.
• E dunado di trabou ta responsabel di promove labamento di man intensivo y regularmente como
tambe un bon higiena di tos pa e empleadonan. Mester duna instruccionnan hopi cla / duidelijk
pa e personal.
• E dunado di trabou mester duna informacion y instruccion riba e medidanan di higiena rekeri:
• Tur hende mester laba nan mannan cu awa y habon por lo menos pa 20 seconde; den
caso cu no por laba man cu awa, por uza un gel cu ta contene minimo 60% di alcohol
• Den caso di nister of tos, mester uza un paña of papel cu mester wordo benta afo dibiaha
despues; si esaki no ta disponibel, tosa of nister den bo elleboog
• Evita di mishi bo cara, specialmente bo boca, nanishi y wowonan
• Pone mas ‘hand sanitizer dispensers’ desinfectante na luganan visibel na e luga di trabou
(manera na entrada, den sala di reunion, etc.); percura pa e ‘hand sanitizer dispensers’
wordo yena regularmente.
• Percura pa e personal y bishitantenan tin acceso na luganan cu por laba nan man cu awa y
habon.
• Pone posters pa promove labamento di man, bon higiena di tos, etc.
Por bishita www.arubacovid19.org
• Comunica e reglamentacionnan anterior via otro canalnan di comunicacion (manera sesion
informativo den reunionnan, informacion riba intranet, etc.) pa promove bon higiena di man
y tosamento.
3) Medidanan relaciona cu empleadonan of clientenan malo riba tereno di trabou
Cada organisacion/dunado di trabou ta tuma e medidanan necesario pa asina sigura pa
ningun empleado of bishitante cu tin problema di respiracion (e.o. tosamento, dificultad pa
hala rosea , do lor di garganta), presenta riba tereno di trabou of na luga di trabou pa asina
garantisa e siguridad y salud di tanto e personal como e bishitante.
Akibou ta sigui un lista di e medidanan minimo cu e dunado di trabou mester tuma, den caso
di empleado of bishitantenan malo riba tereno di trabou/luga di trabou:
• Entrada di un bishitante malo cu problema visibel di respiracion (tosamento, dificultad pa hala
rosea, dolor di garganta) lo wordo nenga.
• Den caso di un empleado cu problema visibel di respiracion lo mester comunica inmediatamente
cu su doctor di compania/cas.
• Informa bo empleado y bishitantenan cu cualkier persona cu tin keintura y/of problema
respiratorio (tosamento, falta di aire/kortademigheid, dolor di garganta) lo wordo prohibi pa drenta e edificio di trabou y mester keda cas y sigui e proceso di ‘meldziek’ di e compania.
• Pone posters cu e mensahe aki na bo luga di trabou. Combina esaki cu otro canalnan di
comunicacion cu ta wordo uza den bo organisacion of compania.
Pa informacion adicional, por referi na e indicacionnan manera stipula dor di World Health
Organization (WHO):
• https://www.who.int/docs/default-source/coronaviruse/advice-for-workplace-clean-19-03-2020.
pdf
• https://www.who.int/emergencies/diseases/novel-coronavirus-2019/technical-guidance/guidance-for-schools-workplaces-institutions
