Un situacion hopi doloroso a pasa na aeropuerto di Hulanda. Ta trata aki di un hoben di 20 aña cu tabata studia riba avionnan di KLM. E morto a sosode ora cu e buelo KL1341 tabata preparando pa bula pa Billund, Denmarken, riba diabierna atardi.
E aerolinea ta duna di conoce cu lo atende cu e pasaheronan y empleadonan cu a testigo di e incidente y cu e ta investigando. Polis militar Hulandes tambe a bisa cu nan a cuminsa un investigacion.
E morto ainda no a keda identifica y ta mucho trempan pa bisa si tabata un accidente of un forma di suicidio, pero e investigacionnan ta andando pa saca afo kico por a pasa. Varios medio di comunicacion Hulandes a sugeri cu e victima por ta un empleado envolvi den empuhe un avion bek prome cu e despega.
