Vakantie grandi a cuminsa. Famia Thielman lo por a
biaha, bay lama of keda na Hotel. Pero, Jordano cu Ronaly y nan dos yiunan ta ansioso pa bay un
congreso di tres dia, hunto cu cientos di otro bishitante pa tende bon noticia so!
Jordano a bisa: “Tur aña nos ta anhela pa e dia di congreso yega pa caba. Ta un momento pa siña mas
tocante Dios y Hesus. Semper e ta yega net na tempo y bo ta sinti cu bo bateria spiritual a baha y e
congreso lo charge bo bateria.”
E evento aki ta un di e congresonan mas grandi organisa na mundo tur aña. E aña aki, un biaha mas e
lo tuma luga na Hilton Aruba Caribbean Resort na Palm Beach, Noord. Meta di e congreso ta pa motiva,
consola y anima tur esnan presente, y e publico di aña pasa ta ansioso pa e evento di e aña aki.
Tur dia bo ta tende yen di mal noticia na television, na radio y via medionan social. Sinembargo,
cuminsando e weekend di 9-11 di augustus 2024, testigonan di Jehova lo tene nan serie di congreso di
2024 titula “Predica Bon Noticia!” E evento di tres dia aki ta gratis. Durante e siguiente tres weekendnan
ta spera un publico di mas cu 1000 persona.
E vocero local di testigonan di Jehova, Steve Cabenda, a bisa: “Nos ta wardando cu yen di entusiasmo
riba e congreso. Un comentario cu bo ta tende hopi na final di cada congreso ta cu tur aña e congreso
ta bira mas mihor. Mi ta pensa cu esey ta pa motibo di e manera cu bo ta sinti bo di paden na final di e
tres dianan.”
Na e congreso “Predica Bon Noticia” lo tin video, discurso y entrevista riba diferente tema basa riba
Bijbel, Manera:
“Bon Noticia Eterno”—Den Ki Sentido?
Uza Bon Noticia pa Vence Loke Ta Negativo
Dicon Nos No Tin Miedo di Mal Noticia
Diasabra lo batisa e personanan di e congregacionnan cu a pidi esey. Diabierna y diasabra mainta lo tin
un video di un drama biblico presenta den dos parti, cu sigur lo tene un y tur nan bista enfoca riba e
pantaya. Prome cu cada congreso, e congregacionnan local lo tene un campaña pa invita publico en
general na e evento. Entrada ta gratis.
Aña pasa, casi 13 miyon persona a asisti na mas cu 6000 congreso asina rond mundo.
Tres Dia di Congreso cu Bon Noticia So!
