Defensa Region Karibe durante e dos simannan benidero ta tene un ehersisio pa durante orkan duna yudansa di emergensia na Sint Maarten i Saba. Durante e ehersisio aki ku ta karga e nòmber ‘Windward Express’, militarnan ta trein huntu ku sosionan di siguridat lokal, pa asina alsa sentido di preparashon i pa reforsá e koperashon, ku e meta ku e militarnan por keda desplegá rápido i efikas despues ku un orkan pasa.
Diferente unidat di Defensa ta partisipá na ‘Windward Express’, entre otro Marinirnan di Destakamentu Sint Maarten, Marinirnan di Eskuadron Carib Aruba, i militarnan di Kòrsou. Tambe e barku di Marina Zr. Ms. Pelikaan, gruponan di boto ku nan botonan FRISC rápido, i otro unidatnan ku ta reforsá, ta forma parti di e ehersisio pa durante orkan duna yudansa di emergensia.
Despues di yegada na Sint Maarten e unidatnan ta hasi ehersisionan di un forma rotativo tantu na Sint Maarten komo Saba. E aktividatnan aki ta yuda e militarnan pa sera konosí ku sirkunstanshanan spesífiko riba e islanan i pa traha huntu ku sosionan lokal, tal manera organisashonnan di Gobièrnu, i no Gubernamental, i empresanan ku ta hunga un ròl krusial na momentu di yudansa di emergensia.
Pa medio di ehersé un ehersisio manera ‘Windward Express’ na Islanan Ariba, e militarnan ta optimalmente prepará pa na momentu di un menasa real di orkan, inmediatamente despues ku e orkan pasa, nan por rekurí na dunamentu di yudansa di emergensia, duna sosten na outoridatnan sivil i mantené órden públiko.
