Durante luna di novèmber, Tourism Corporation
Bonaire (TCB) a duna rekonosementu na shete bishitante komo embahador di
Boneiru. Mayoria di e personanan akí ta di e grupo di buseo ‘US Scuba Diving’
prosedente di Merka.
Shawn Carver i Patricia Halpin ta bishitando Boneiru pa 12 aña, Janet i Daniel
Doman-Clark ta bishitando Boneiru pa 20 aña, mientras Roger i Joan Luksik ta
bishitando nos isla pa 44 aña. Nan ta bini Boneiru dos bes pa aña ku e grupo di
buseo ‘US Scuba Center’ di Bud Uren i Heather Sellick.
Shawn i Patricia a keda honrá ku feneta di bròns, Janet i Clark ku feneta di oro,
miéntras Roger i Joan a risibi e distinshon di mas haltu ku ta un plakat den e
kategoria di platina.
Peter Lapin, tambe prosedente di Merka, a risibí su rekonosementu pa ta bishitando
Boneiru pa 11 aña i a risibí feneta di bròns pa e okashon akí.
Pa TCB tabata Helen Mercera i Rolando Marin a ofisialisá e seremonianan di
rekonosementu i a otorgá nos embahadornan nan sertifikado, feneta i plakat
korespondiente.
