Parlasur e Parlamento di Mercosur, ku ta konsisti di representante elekto di paisnan di Sur Amérika, ta un blok polítiko i ekonomiko ku ta inklui Argentina, Brasil, Paraguay, Uruguay, Venezuela, Bolivia, i ku Chile, Colombia, Ecuador i Peru komo miembronan asosiá. Mercosur tin komo meta promovè demokrasia i protekshon di derècho humano den region di Sur América.
Den e 97 Seshon Ordinario di Parlasur resientemente den Desember 2024, Sr. Gabriel Fuks, Parlamentario i Lider di Delegashon di Argentina na Parlamento di Mercosur, a propone un deklarashon histórico ku a ser adoptá, sosteniendo e derecho di outo-determinashon di Bonaire. E paso históriko aki ta apoya e petishon di BHRO pa reinklushon di Boneiru riba e lista di Territorionan Sin Propio Gobernashon di Nashonan Uni, ponéniendo e status polítiko di Bonaire bao di kontrol di e Komite Spesial di Deskolonisashon di Nashonan Uni.
Den un desishon unánime, Parlasur a ekspresá solidaridad ku pueblo di Bonaire, denunsiando e situashon polítiko impone pa gobierno Hulandes desde 2010. Bonaire, un isla Karibeño ku a forma parti di Antia Hulandes, a ser inkorporá den Hulanda komo un “entidat publiko” sin autonomía i sin konsentimentu di pueblo di Bonaire, despues di e disolushon di Antia. Parlamento di Mercosur ta deklará ku e akshon aki ta viola e derecho inalienabel di propio gobernashon di Boneiru segun ley internashonal.
E paso signifikativo aki a wordu logra mediante di e kontinuo aktivismo di James Finies, lider di Pueblo Progresivo Uni i fundadó di Bonaire Human Rights Organization. Sr. Finies, un nativo di Bonaire, a bandona su karera bankario di 23 aña pa lucha pa derechonan humano, I a protesta kontra e status polítiko di Bonaire despues di disolushon di Antia Hulandes na 2010. Su protesta di 222 dia i nochi non-stop a resultá den un referendum ku un gran mayoria di votado a rechaza e integrashon impone.
Su kompromiso firme a hibe i su delegashon pa biahenan largo den Amérika Latina, Karibe, Norteamérica i Europa, konsientisando I risibiendo respaldo pa e derecho di outo-determinashon di Bonaire. Nan esfuersonan tabata instrumental den poniendo atenshon internashonal na aspirashonan di outo-determinashon di Boneiru.
E deklarashon di Mercosur ta basa riba fundamento legal solido, sitando instrumentonan internashonal klave, manera e Charter di Nashonan Uni, e Pakto Internashonal riba Derechonan Sivil I Politiko, Pakto Internashonal riba Derechonan Ekonomiko, Sosial I Kultural. Parlamento di Mercosur ta rekonosé ku e status di Bonaire, ku un referendum kaminda 66% di e votadona a rechase, I ku no ta konsistente ku prinsipionan demokratiko i e pueblo su derecho di outo-determinasion.
E resolushon ta bini despues di un raport di ekspertonan di Nashonan Uni na 2021, ku a konkluí ku e gobernashon aktual di Bonaire ta un permanensia kolonial ku ta perpetuá desigualdát. Deklarashon di Parlamento di Mercosur tin komo meta elevá e tema di outo-determinashon di Boneiru na e esena internashonal i hasi yamada riba gobiernonan di Amérika Latina i Karibe pa apoya e kausa di e isla.
E resolushon ta inkluí dos punto klave:
1.Solidaridad ku pueblo di Bonaire: Parlamento di Mercosur ta ekspresá apoyo inkondishonal na petishon di Bonaire pa reinklushon riba lista di Territorionan Sin Propio Gobernashon di Nashonan Uni, poniendo e struktura di gobernashon impone pa Hulanda bao di revishon internashonal.
- Un yamada pa sosten internashonal: E deklarashon ta inkluí un yamada pa gobiernonan di Amérika Latina i Karibe pa sostene e petishon di Bonaire, garantizando ku derecho di outo-determinashon di isla ta protehá i promové globalmente.
E desishon históriko di Parlamento di Mercosur ta un paso krusial den atendiendo ku e inhustisia kolonial ku Bonaire ta enfrenta, reforzando e kompromiso di e region pa derècho humano, igualdad, i empoderamento di tur pueblo pa outo-determinashon.
