Wardacosta Caribe Hulandes ayera nochi a ricibi un notificacion via di e radio maritimo VHF
canal 16, na momento cu un boto tabata indica na un tankero cu e la haña problema riba
lama. E boto cu nomber Aribel tabata mas o menos 30 mia west di Aruba y e tripulacion
tabata mester di asistencia inmediatamente. E Centro di Operacion Maritimo di
Wardacosta mesora a dirigi e helicopter pa e area caminda e boto tabata, pa por yuda e
dos homber nan na bordo.
Na yegada na e sitio e helicopter di Wardacosta a asisti e dos personanan na bordo y a hisa
nan paden di e helicopter. Despues di a saca nan for di nan boto a hiba nan tur dos
aeropuerto di Aruba, e dos personanan a yega Aruba ‘safe and sound’. E boto Aribel a ser
rescata awe pa e boto Orion di Aruba.
