Despues cu Carnaval 71 a termina entregamento di premio a tuma luga na esunnan cu mas a destaca durante di e aña. Edwina Werleman cu ta e motor tras di Caiso & Soca Monarch tabatin un anochi special pa tur su ganadornan y sigur pa e rey di Caiso & Soca Monarch. Sinembargo no ta esaki so a duna dedicacion, pero na e compositornan y areglista. Den su totalidad Caiso & Soca Monarch ta contento con tur cos a cana y e resultado Aruba a disfruta di dje.
Presidente di Caiso & Soca Monarch Edwina Werleman ta gradici tur esnan cu di un of otro motibo a haci posibel cu Caiso & Soca Monarch ta grandi un biaha mas. Un gradicimento a bay na tur 30 compositornan cu a pone un cancion y cu esaki por a participa pa engrandece e Caiso & Soca Monarch 2025.
