Lider di fraccion di MEP Evelyn Wever Croes a tuma nota cu secretario di estado Zsolt Szabo lo a anuncia riba e debe di COVID cu lo subi mirando cu no tin un acuerdo pa dia prome di mey. UN movecion politico di AVO –FUTURO cu ta straña lider di fraccion di MEP Evelyn Wever Croes mirando cu dia 28 di maart e gobierno di AVP-FUTURO a declara cu e ta bay diacuerdo cu e Rijkswet, pero dicon no a firma nada ainda?
Tambe dia 8 di April Secretario di estado Zsolt Szabo tabata na Aruba, pero ta hopi stranjo cu si ta diacuerdo pa firma e Rijkswet dicon no a firma of yega na un acuerdo dia 8 di April cu secretario di estado Zsolt Szabo ?
Den e viahe aki secretario di estado Zsolt Szabo tambe a bishita parlamento y tur fraccion den parlamento a puntra su persona di kico ta e status di su persona. Na mes momento secretario di estado Zsolt Szabo no a indica nada pero a haci un apelacion na parlamento pa yama e gobienro di AVP-FUTURO pa informa parlamento di kico ta e status.
Mirando c conseho cu e keda duna door di secretario di estado Zsolt Szabo dia 8 di april parlamento a manda yama gobierno di Aruba pa bin Parlamento pero te na e momentonan aki no a presenta den parlamento y no a duna e status di kico ta e pensamento y vision pa cu e Rijkswet.
Sinembargo Lider di fraccion di MEP ta indica cu awe ta scucha cu e interes di e prestamo di COVID ta bay subi ta logico paso si como gobierno bo no ta tuma responsabilidad y wak kico ta prioridad den e reunionnan esaki ta e consecuencianan. Tambe di no ta mustra lidersaco y no ta tuma decision esaki ta e consecuencianan cu Aruba ta biba cu ne.
Segun lider di fraccion di MEP gabinete Wever Croes a laga tur cos cla y Rijkswet ta un lopendezaak , e formacion di ranca siboyo y haci bunita pa formacion di gobierno a tuma luga hopi largo, esakino ta culpa di ningun otro gobierno , pero e propio gobierno di AVP-FUTURO.