Cas di Cultura cu sosten di Cultuurfonds Caribisch Gebied ta presenta e coleccion di obranan nobo di e artista local Belinda De Veer.
E obranan sorprendente aki a ser crea den ultimo dos aña y ta contene un
mensahe profundo di e amor, erotismo, y transformacion. Di e forma aki e
imaginacion artistico di Belinda ta transporta nos via e obranan di arte den un
narativa yena cu sensualidad y ternura. Specialmente na e momentonan aki di
conflicto y polarisacion global Chimera ta ofrece un antidoto necesario .
E idea di amor, enredamento, i transformacion ta specialmente valido na e
momento aki, caminda diferente tipo di guera ta tumando luga den e experencia
mundial di tur dia, causando victima, polarisacion i caos. Un experencia ku ta
contrario na e sentimento di amor, eros, y dignidad humano. E obranan di arte
nobo y intrigante aki di Belinda de Veer, carga cu simbolismo di deseo erotico, por
ser mira manera un invitacion pa biba bida na su maximo. Pa medio di su arte, e
brasa ritual aki, e curpa, intimidad i conexion ta wordo celebra.
Chimera lo ta habri pa publico den e sala di exposicion
for di 9 Mei te cu 2 di Juni Na Cas di Cultura.