Cu duda y flohera ningun hende no por yega ningun caminda, flohera ta ruman di pobresa, y duda ta bini di un curason dobbel , y cu no por wordo husa pa nada.( Santiago 1:5-8).
No ta Ami, a ordenabo? Sea fuerte y tene curashi,no tembla ni desmaya,pasobra Senjor bo Dios lo ta cu bo na unda cu bo bay.
Cobardia y murmuracion, no ta hiba hende ningun caminda, critica y jaloersheid tampoco, pasobra esey no ta di Dios, pero Fe y esfuerso ta wordo balora y corona, y lo bo ricibi bo premio di Dios.
Cada biaha cu nos esforsa pa cana den temor di Dios, pa haci Dios su boluntad, pa pone Dios na prome lugar y pa Dios ricibi tur gloria, Dios ta agrada den locual cu nos ta haci y Dios mes lo sali na nos defensa.
David no tabatin experiencia militar, pero e a esforsa su mes, e a confia den Dios, y Dios a bay su dilanti y David a derota e gigante.
Tur dia den nos bida , gigante por aparece, pesey Dios ta duna mandato, pa esforsa bo mes y sea balente, no laga nada ningun hende spanta bo, pasobra Dios ta cu bo na unda cu bo bay, Dios ta nos prome auxilio, E ta nos baranca fuerte, nos no mester tin miedo di nada, pasobra Dios ta cu nos .
Goliat tabatin arma y experiencia, e tabata grandi y fuerte, pero David cu Fe y esfuerso, y e nomber di Dios tabata suficiente pa basha Goliat abao.
Den bida nos tin di sinja confia Dios, pasobra e bataya, no ta di nos, e bataya ta di Dios, pasobra Dios tin poder pa kita tur obstaculo y basha tur muraya abao, Dios ta Todopoderoso.
Ay Senjor Dios, Mira ta Abo a traha e cielonan y tera pa medio di bo gran poder. Y pa medio di bo brasa extendi,Nada ta mucho dificil pa bo.
Bo ta grandi den conseho y poderoso den hecho,pasobra Bo wowo ta habri pa tur e camindanan di e yuinan di hende, pa recompensa cada un segun su conducta y segun e fruta di su hechonan.( Jeremias 32:17 y 32:19).
Tambe Senjor lo ta un refugio pa e opriminan,un refugio den temponan di angustia. Y esnan cu conoce Bo nomber lo pone nan confiansa den Bo, pasobra Abo, O Senjor, no a bandona esnan cu ta busca bo.
( Salmo 9:9-10)
E enemigo semper lo purba di trece duda y flohera, pero tur esnan cu esforsa nan mes y sea balente, lo tin exito, pasobra no ta tempo pa bay tras di palabra di hende pero pa nos, hala mas serca Dios, pasobra solamente Senjor tin palabra di bida, y E so ta digno di tur nos confiansa.
Ma E a bisa e cosnan imposibel pa hende, ta posibel pa Dios.( Lucas 18;27).
Pasobra pa Dios, nada lo no ta imposibel, ( Lucas 1:37).
Y bendiciona ta esun cu ta kere cu loke Senjor a bise lo wordo cumpli.( Lucas 1:45).
No preocupa pa nada, ma den tur cos, pa medio di oracion, y suplica cu gradicimento laga boso peticion ta conoci dilanti di Dios.( Filipensenan 4;6).
Tur hende mester confia den Dios y esforsa pa yega na locual cu nan kier den e boluntad di Dios.
No ta necesario pa kibra cabes , deseando locual otro hende tin, pasobra locual Dios tin pa abo, ta pa abo e ta, y ningun hende no por kite for di bo ni tampoco tuma bo lugar,