Recientemente ( dia 26 di July 2025), tabata tin un suceso na Princess Juliana International Airport na Maho Beach, Sint Maarten cu casi a causa un catástrofe mi marca mayor na e isla turístico. Maho Beach semper ta un destino popular cu turistanan cu ta acudi na e sitio pa asina por mira con avionan ta baha na dicho aeropuerto, debi cu e final approach di e avionan semper ta asina cerca di e beach y ta duna oportunidad pa saca portetnan inolvidable di e experiencia aki. Sin embargo e diasabra aki di día 26 di july, espectadornan por a mira un situación cu por a caba hopi malo. Ta trata aki di 2 avion di e mesun aerolínea United Airlines, ambos di e marca Boeing 737 MAX, un cu tabata yegando e isla turístico y e otro cu tabata na punto di despega for di e aeropuerto na Maho Beach. Den videonan por aprecia cu toren di control di dicho aeropuerto aparentemente lo a duna permiso di despegue y tambe permiso di atterizaje na ambos avión. Den imagenan por mira e avión di United cu tabata den su ‘final approach’, mientras cu esun cu mester a lanta vuelo ainda tabata taxi ariba e pista. Remarcabel ta cu esun cu mester a lanta a primi trot y asina a lanta net na momento cu e otro tabata aterrizando. Por conclui cu e situación aki pa 1 cabey por a bira un tragedia cu por a golpea turismo di Sint Maarten
E vuelonan tabata ta United UA 1629 ingresando Sint Maarten y United UA 1880 cu destino pa Newark, New Jersey, USA.
Consecuencianan di un tragedia asina lo tabata clausura di e aeropuerto y esaki lo a afecta e turismo di henter e isla tanto e parti hulandes, como tambe e parti francés. No por lubida e aeropuerto aki su importancia pa e otro islanan den vecindario, caminda e ta sirbi como ‘hub’ pa avionan di porte grandi y transferi carga pa avionetanan cu ta sigi pa e otro islanan manera Saba, St. Eustacius, Anguila y St. Barths.
https://www.instagram.com/p/DMlebgiP0o_/
