Parlamentario Hendrik Tevreden tambe tabata presente den e reunion cu Secretario di estado di Asuntonan Interno y Relacion di Reino, Eddie van Marum . Segun e parlamentario esaki ta e di 4 Secretario di estado cu parlamento di Aruba ta atende cu ne riba diferente puntonan. E meta di e reunion tabata pa conoce otro , pero na mes momento por haci diferente preguntanan cu parlamento kier atende y esaki a pasa tambe. Rijkswet ta un punto cu tin parlamento preocupa y a haci pregunta na Secretario di estado riba e parti aki, mirando cu parlamento di Aruba no ta haya ningun contesta di gobierno di Aruba.
Gobierno di Aruba ta lubida kico ta su rol, ta biba un pensamento cu por haci y deshaci y no ta duna cuenta na parlamento y no ta respeta parlamento. Gobierno di AVP-FUTURO a ricibi mas di 800 pregunta y minister no ta contesta. Gobierno di Aruba nos mester lubida cu ta parlamento ta fiha e direccion y gobierno mester simplemente implementa e maneho fiha door di parlamento di Aruba y esaki no ta sosodiendo den practica.