Na De Nieuwe KHL a tuma lugar un recepcion pa tuma despedida di Tanja Fraai di WeConnect. Tanja ta bai laga WeConnect despues di 12 aña como “programma manager”. Un delegacion di Gabinete di Aruba a entrega Tanja un regalo, como recuerdo y aprecio pa e bon cooperacion entre Gabinete di Aruba y WeConnect y en especial su persona.
Durante e programa di e anochi a repasa momentonan di Tanja y WeConnect. Desde cu a funda WeConnect, con esaki a bai y e sosten den e prome añanan. Tambe personanan clave cu a traha cu Tanja a conta nan relacion y experencia cune como programma manager di WeConnect. Nan a papia con di cerca a mira WeConnect crece como fundacion y haya reconocimento di partnernan importante manera Ministerio di Enseñansa di Hulanda y Ministerio di BZK.
Durante di e anochi tambe a tuma lugar e presentacion oficial di e successor di Tanja cu ta Pam Evertsz.
E potretnan ta cortesia di Gabinete di Aruba