Fraccion di MEP den Parlamento a manda preguntanan oficial relaciona cu e biahe di trabou di Minister di Finansas, Geoffrey Wever, cu a tuma lugar na Hulanda entre 15 y 21 di september 2025.
E preguntanan ta enfoca riba:
• Meta di e biahe: kico tabata e meta concretamente y kico e beneficio ta pa Aruba?
• Gastonan di e biahe: kico tabata e gastonan total?
• Delegacion: ken a forma parti di e delegacion y kico tabata nan rol?
• Programa: kico tabata e agenda oficial y na cua parti e minister a participa?
• Encuentronan: cu ken a reuni y kiko tabata e temanan discuti y palabracionnan haci?
• Resultadonan: ki acuerdo of paso concreto a sali for di e biahe?
Ademas, Fraccion di MEP a recorda e minister cu den nan propio acuerdo di Gobernacion ta stipula cu tur minister mester pidi tres oferta pa hotel, y e mas barata mester wordo eligi, segun nan propio reglanan. Pa e motibo aki a pidi e minister entrega e tres ofertanan y e desicion final.
Fraccion di MEP ta enfatisa cu transparencia den gasto publico y claridad riba biahenan oficial ta fundamental pa mantene confiansa di pueblo na su gobierno.
