E posesion di Relacionnan di Reino, den practica, ta un posesion cu responsabilidad semehante cu un Prome Minister di un pais mester carga, y cu ta mucho mas cu simplemente bishita Hulanda of haci actividadnan protocolario, shop,modela y coketia. Awe, e pueblo di Aruba por wak con Raad van Advies a duna conseho apropia na Gobierno di Aruba tocante e posesion aki, specialmente riba decisionnan den Rijksministerraad den nivelnan di Reino.
Ta importante di comprende cu e posesion no por wordo considera solamente como un oportunidad pa haci bishita, modela pa Hulanda, of busca popularidad . Historia reciente a mustra cu e abuso di imagen personal of ta trata di atrae votando den manera sensacionalista a distrae atencion di e responsabilidadnan real di e cargo.
Den contrasto, e Prome Minister Mike Eman a tuma su responsabilidad awe cu seriedad, atendiendo e situacion den Venezuela y coordinando cu e departamentonan relevante y cu Reino Hulandes. Sinembargo, e minister Gerlien Croes, cu tin tres asiento pa su candidatura, a mustra intencion di tuma tur cartera importante, desafiando regla y procedemento pa logra e posesion di Relashonnan di Reino, cu den practica no ta un ministerio independiente.
E Raad van Advies a recomenda explicitamente cu e responsabilidad di Relacionnan di Reino no mester wordo delega of maneha fuera di marco di e Prome Minister, resaltando e importancia di tuma e cargo cu consciencia y manera apropia y cu experencia politico, cual cu Minister Gerlien Croes no tin. E situacion reciente ta keda evidencia cu e conseho tabata corecto y ta plantea e pregunta tocante si cierto politiconan realmente prepara pa tuma responsabilidadnan di largo alcance