Siman pasa, Entidad Publico Bonaire a organisa un brunch na honor di e tim hubenil di baseball Bonaire-A, cu a logra un victoria durante e 2026 PONY Caribbean Mustang 10U Zone Tournament.
E tim a marca historia pa medio di gana 2-1 contra Venezuela, y cu esaki nan a establece un tremendo prestacion pa Bonaire. E victoria aki ta un fuente di orguyo pa henter e isla y e ta mustra e talento, e disciplina y e dedicacion di nos deportistanan.
Durante e encuentro, e diputadonan Jennifer Mohamedjoenoes, Joselito Statia y Timoteo Silberie tabata presente pa personalmente felicita e hungadornan y nan coachnan. Como muestra di aprecio, tur miembro di tim y tur coach a ricibi un sclip (feneta) den forma di e bandera di Bonaire, como deman di reconocemento pa nan trabou duro, nan perseverancia y e excelente representacion di Bonaire na nivel internacional.
Entidad Publico Bonaire ta expresa su orguyo tocante e prestacion aki y ta desea e tim hopi exito cu nan competencianan den futuro. Bonaire ta orguyoso di boso.
