E St. Maarten Tourism Bureau (STB), Ministerio di Educacion, Cultura, Hubentud y Deporte (MECYS), y e St. Maarten Sports Federation (SMSF), den colaboracion cu e diseñador local Zillah Duzon-Hazel di Jolie Duzon, a revela e uniformnan deportivo oficial nobo di Team Sint Maarten.
E iniciativa ta duna atletanan cu ta representa Sint Maarten na competencia regional y internacional un identidad visual nacional unifica y reconoci. E ta demostra tambe e rol importante di creatividad y diseño local dentro di e Economia Oranjá.
A desaroya dos concepto di uniform. E diseño ceremonial ta celebra e herencia cultural y natural di e isla, mientras cu e diseño di biahe ta incorpora e bandera nacional di forma prominente, haciendo Team Sint Maarten directamente reconoci durante aparicionnan internacional.
E diseño nan ta presenta varios elemento inspira pa Sint Maarten, incluyendo e pelican ta brùn, salvia hel (yellow sage), e sali di solo, scuma di lama, y e ecosistemanan di coral. E lema nacional, Semper Pro Grediens – “Semper Avansa”, ta reflecta e perseverancia, ambicion y movimiento pa dilanti di Sint Maarten y su atletanan.
Minister di Turismo, Asunto Economico, Trafico y Telecomunicacion, e Honorable Grisha Heyliger-Marten, a ricibi e iniciativa como un ehempel di con deporte, turismo y e industrianan creativo por traha hunto pa fortalese e perfil internacional di e pais.
“Cada bes cu nos atletanan ta compite afo, nan ta carga e nomber y imagen di Sint Maarten cu nan. E uniformnan aki ta sigura cu nan ta haci esaki cu un identidad fuerte y unifica, miéntras cu nan ta mustra e talento di un di nos diseñadornan local. Esaki ta e Economia Oranjá den accion, transformando creatividad y cultura den oportunidad, orguyo nacional y mayor visibilidad internacional pa Sint Maarten.”
St. Maarten Tourism Bureau
St. Joseph Building
Front Street #28, Philipsburg, St. Maarten
(E) info@vacationstmaarten.com | (P) +1 721 549 0200
Minister di Educacion, Cultura, Hubentud y Deporte, e Honorable Melissa D. Gumbs, a enfatisa cu e uniformnan lo permiti e atletanan y organisacionnan deportivo di Sint Maarten pa representa e pais cu mayor cosistensiancia y orguyo.
“Nos atletanan ta merece di drenta cada arena regional e internacional mirando y sintiendo manera un Team Sint Maarten unifica. E uniformnan aki ta reflecta ken nos ta, unda nos ta bin afor, y e orguyo cu cual nos atletanan ta representa e pais.”
Diseñador Zillah Duzon-Hazel a descirbi e proyecto como e cumplimento di un meta personal y profesional.
“Diseña un trako nacional tabata semper un di mi metanan. Mi amor pa Sint Maarten y su pueblo a inspira cada aspecto di e diseño. E pelican ta brùn, salvia hel, solo, scuma di lama, y otro elementonan ta bini hunto pa conta e historia di ken nos ta. Mi ta honra pa mira Team Sint Maarten bisti e uniformnan aki cu orguyo y confiansa rond di mundo.”
Presidente di SMSF, Naomi Korstanje, a bisa cu e uniformnan ta representa un hito importante den fortalese e identidad y visibilidad internacional di Team Sint Maarten.
“St. Maarten Sports Federation ta orguyoso di apoya e introduccion di e tracksuit oficial di Team Sint Maarten. Nos ta gradici tur departamento participante, partner, sponsor y e diseñador pa yuda nos construi un identidad fuerte di Team Sint Maarten pa generacionnan actual y futuro di atleta.”
E proyecto a cuminsa na september 2024 y ta demostra e impacto di colaboracion entre gobierno, e comunidad deportivo y e sector creativo local.
Team Sint Maarten lo bisti e uniformnan nobo cu orguyo miéntras cu e ta prepara pa compite na e di XXV Weganan Centroamericano y del Caribe, Santo Domingo 2026. Mas cu paña deportivo, e uniformnan ta representa e identidad, unidad, creatividad y ambicion di e pais riba e ecena global.