Despues di mas di un aña di entrenamentu intensivo, desaroyo profesional y crecemento personal, 16 recruta di e Programa di Miembro di Tripulacion Junior di Wardacosta (JBK) 2025 a completa nan entrenamentu cu exito. E graduadonan ta representa Aruba, Corsou y Sint Maarten, incluyendo recruta di Saba y Sint Eustatius.
E clase aki ta marca un logro importante pa Wardacosta di Caribe Hulandes. Pa prome biaha, un persona di Sint Eustatius a termina e programa JBK cu exito. Aina mas notable ta cu e prome graduado di JBK di Sint Eustatius ta un muhe, loke ta un logro historico tanto pa Sint Eustatius como pa Wardacosta. E mihor graduado di JBK e aña aki ta un hoben muhe di Aruba.
E programa JBK ta prepara recruta pa e responsabilidadnan diverso y exigente di servicio di Wardacosta. Banda di entrenamentu maritimo y proceduranan di abordahe, e programa a inclui prome auxilio,maneho di arma di candela, desaroyo fisico y mental, y entrenamentu di aplicacion di ley duna den colaboracion cu Opleidingsinstituut Rechtshandhaving & Veiligheidszorg (ORV). A entrena e recrutanan den derecho penal, procedimiento penal, scirbimento di informe, procedimiento di gara y defensa propio.
E recrutanan a gana experencia practico via practica riba varios isla y bordo di e barconan cortador di Wardacosta. E programa Stronger Together a establece e balornan central di sinja, crece y sostene otro. Cu finalisacion di e programa JBK, e 16 graduadonan lo wordo promovi na e rango di Marinero di Prome (Able Seaman) pa cuminsa proteha y sirbi comunidadnan na costa y riba lama.
