Tourism Corporation Bonaire (TCB) ta organisa e ultimo evento di Taste of Bonaire di e aña aki.
E evento lo tuma luga diasabra, 26 di september 2026, na Isidel Beach Park for di 6:00 PM te cu 10:00 PM. E ta priminti un ambiente fantastico rond di e tema di ‘Turismo’, den cuadro di e celebracion di e Luna di Turismo.
E programa ta yen di musica y artistanan di talento, y lo tin standnan cu ta ofrece tanto cuminda local como internacional. E gruponan musical Grupo Kariño y Palu Grandi, xunto cu DJ Marv, lo percura pa e entretenimento di e anochi. Pa haci e Taste of Bonaire aki mas emocionante ainda, e Brass Band ‘The Boyz’ lo presenta, y lo anuncia e ganadornan di nos scavenger hunt.
Nos kier invita tur habitante y bishitante di Bonaire pa sebra cu nos un anochi placentero na Isidel Beach Park diasabra, 26 di september 2026, pa e ultimo Taste of Bonaire di e aña aki, e Edicion di Turismo.