No ta un secreto cu gobierno di AVP –FUTURO ta wordo maneha solamente door di minister nan di FUTURO , e minoria cu a pueblo a vota pe, awe un biaha mas ta tuma nota di e miedo cu nan tin pa wordo controla y vigila democraticamente y kier traha den scuridad haci lo ke nan kier sin cu ta wordo controla debidamente
Tanto e presidencia di comision di adulto mayor cu a wordo kita di PPA aña pasa y tambe e presidencia di comision di finansas cu awe a wordo kita di MEP . Aparentemente ainda tin un agenda scondi y un forsamento pa e HOFA por pasa. E malicia di Minister Geoffrie Wever ta bisto ?, keda troce y saca tur e awa di tur departamento nan sin duna nan yudansa pa nan mes kibra pa asina tuma como excusa pa HOFA bin. Pero na mes momento Mnister Geoffrey Wever ta muestra di ta un cobarde cu te dia di awe no ta duna pueblo cuenta y parlamento di Aruba riba intencionnan y negociacion nan real di HOFA. Y di otro banda Minister Gerlien Croes ta gaña sin fin y mustra diferente cifranan ficticio pa bruha comunidad.
Un gobernante cu no tin e pueblo di Aruba na pecho y tin e placa di pueblo di Aruba secuestra sin duna ministerionan debidamente pa hinca den proyectonan pa asina indirectamente masacra e pueblo di Aruba , ta un bon ehempel y un bon minister cu kier mira Aruba progresa su mes ?.
Plan nan tras di cortina di malicia pa implementa HOFA ainda ta andando tras di cortina e measetro tras di esaki ta minister Geoffrey Wever y Gerlien Croes. Un muestra mas di esaki a cu a kita e comision di finansas unda cu e marionetanan di AVP –FUTURO ta sigui ordo di gobierno pa no perde nan stoel,paso nan ta un follower y no tin principio pa dicidi y ta capas pa realmente traha riba nan mes pa sirbi pueblo di Aruba.
Tanto e comision di adulto mayor y di finansas a wordo secuestra pa fraccion di FUTURO , ta muestra di e miedo pa wordo controla debidamente.