PoliticaLocal

A entrega mas cu 5 mil firma na Gobernador contra huramentacion di Benny Sevinger

Grupo Nos Kier Husticia 1

Grupo Nos kier Husticia diamars mainta tempran a acudi na sede di Gobernador pa haci entrega di un peticion compaña pa un lista di firma.

Den e grupo tin caranan conoci manera Jeffrey Schuilenburg, Maureen Laaf, Tony Sneek, Bobby de Kort y algun otro mas. Schuilenburg a splica cu diabierna a cuminsa cu e campaña di peticion pa evita cu Benny Sevinger ta wordo huramenta como Parlamentario diahuebs ultimo. E grupo a cana cas pa cas y tambe tin hendenan cu a bini cerca nan. “Nos ta hendenan cu ora tin algo no ta bin, ta sali afo y denuncia esaki,” Schuilenburg a bisa.

Nan ta sinti cu un mancha hopi scur lo cay riba Parlamento si Benny Sevinger huramenta como Parlamentario y esey ta e motibo cu nan a entrega lista di un poco mas cu 5200 firma di personanan cu ta contra esaki.

Nan ta kere cu partido AVP tin hopi hende capacita riba su lista cu mester por pone, tanten cu Sevinger ta finalisa di atende cu su caso. “Si e resulta inocente di su cas, cualkier otro momento e por drenta Parlamento bek..”

E grupo ta bisa cu nan no ta compronde pakico ta forsa pa aworaki lague huramenta como Parlamentario, siendo cu e ta detene sospecha di cinco cargo. Su votonan no ta bay perdi, pasobra asina cu e sali liber e por drenta Parlamento.

E mas cu cinco mil firma recoge den tres da ta un ilustracion tambe cu un parti di pueblo no ta contento cu loke ta pasando. Si e huramenta e lo pone un mancha scur riba Parlamento y nada cu haci lo por kita esaki despues.

E grupo papia cu OM y a mustra nan cu no ta compronde si a prolonga su detencion cu 60 dia, di con ta lague liber pa huramenta. “Nos kier sa di con otro detenidonan no ta haya e mesun previlegionan aki.”

Diahuebs nan lo ta para cu nan bandera di Aruba dilanti Parlamento, unda e huramentacion lo tuma luga.

Related posts

PASO NOS TA ARUBIANO

EA News Author

Como parti di aeropuerto su strategia corporativo pa ta e aeropuerto mas sostenibel den region:

EA News Author

Leave a Comment

Whatsapp Message