Abogado Desiree Croes ta kere ta importante pa atende e puntonan serio di Pais Aruba cu nivel y contrario na Minister Ursell Arends lo e no menciona algo sin cu ta para su tras y actua riba e situacionnan robes cu tin. No lo bay den e nivel di mucha chikito di minister Ursell Arends,Si realmente tin bendemento di permiso sea ta 1-2- 3 of 10 iregularidad nan cu a pasa riba bendemento di permiso di taxistanan cu no ta wanta nan mes na ley y regla , e mandatario tin un caminda pa cana, pero no por castiga esunnan cu a cana corecto y trek e raiz bon pa e grupito cu a cana e caminda no corecto unda cu e raiz ta putri.
E mandatario tin diferente caminda nan pa cana manera haci denuncia, duna boet, kita e permiso, loke cu por a compronde cu e taxista aki ta di su mes un ceno ect ect. E mandatario mester haci loke cu e mester haci cu ta corecto , perono tuma un actitud unda cu tin un grupo di taxista cu ta den su mes un seno ta supuestamente sospecha cu lo a haci algo robes, ta bay castiga full e resto di taxistanan.
Segun abogado Desiree Croes e grupo cu ta representa ta dispuesto pa sinta y papia pa busca un solucion pero na un manera respetuoso, no por tuma un decision prome y despues ta kere cu ta bay papia. Den tur e tempo cu ta tuma e decision banda di tur cos e mandatario ta lastra e taxistanan unda ta yama nan pa cartel y yen di otro palabranan cu a wordo uza, esaki ta algo inaceptabel.
Aunke a haci peticino na e mandatario pa kita e MB y pa dialoga riba mesa e mandatario a menciona na varios ocasion cu e o ta kita e MB, locual ta hopi straño debi cu a bisa si cu e tin un MB nobo. Ta increibel pa kere cu un mandatario ta traha di hak van de tak unda cu tin yen di MB riba otro y nada no ta segun e ley mes cu tin pero ta contradictorio di un ley, con lo mester mira henter e situacion aki ?
No ta compronde kico ta e tanto problema cu esun cu obviamente ta robes, sino no ta sinta asina hopi biaha. Loke cu ta bisto tin fout den e MB sino no a sinta reuni y reuni. Minister Ursell Arends a haci un fout e proceso tabata robes y e decision no ta cuadra. Pa e motibo aki mes ta pidi pa kita e MB for di riba mesa y asina pa sinta papia y yega na decisionnan mutuo na bienestar di tur banda. Pero lamentablemente minister no kier haci esaki.
E siguinte paso ta bay ta cu lo ta bay tin un reunion den parlamento dia 22 di augustus 2024 den parlamento di Aruba unda cu tin hopi fe y confiansa cu e representante nan di pueblo, cu pueblo a pone eynan sa di ta critico y trece e puntonan real pa studia e caso aki detayadamente. Abogado Desiree Croes ta habri pa sinta cu nan y splica si ta desea di mas splicacion y tende di e otro banda tambe y asina por tuma un bon decision.