ORANJESTAD,Aruba
Adiccion ta un situacion cu semper a keda pone atencion riba dje pa trece solucionnan pa esnan cu ta cay den tentacion. Sinembargo no ta solamente e fundacionnan, pueblo of gobierno cu ta desea esaki e por keda cumpli , pero e victima den e caso aki tambe mester por desea di sali di e mundo di adicion y drenta bek den comunidad. Algun parti den caya ta mira e adictonan aki ta drumi cu ta un mal bista pa nos tur y tambe pa e turistanan cu ta bishita nos isla. Tur dia tin un adicto sea ta drumi den e jerbenan dilanti di parlamento , of ta sinta na e banki banda di cas di gobernadora of ta banja den su pool natural patras di parlamento na Padu Plaza. Esaki no ta un bista y no ta positivo pa nos turismo. Ta spera cu pronto lo por atende cu e adicto ambulante aki pa no tuma over e parti turistico den pleno playa.
