Local

AHATA: Ocupacion di hotel a sigui baha na Februari


ORANJESTAD,Aruba

Aruba Hotel & Tourism Association (AHATA) ta acumula e
cifranan di ocupacion y prijs di hotelnan tur luna, y pa luna di Februari 2020 e CEO di AHATA Tisa LaSorte
ta anuncia cu e ocupacion a baha atrobe, esaki ta prome cu efecto di Coronavirus a cuminsa afecta
turismo.
FEBRUARI 2020
Ocupacion: E ocupacion na hotelnan a baha cu 2.5 punto compara cu Februari 2019, yegando 89.3%.
Tres hotel so a experiencia crecemento den ocupacion. Februari ta normalmente e luna cu tin mas
demanda cu otro luna den aña.
ADR: E balor averahe di cada camber (ADR) den Februari a crece cu 2.1% compara cu un aña pasa,
yegando $367.67. Por nota cu prijsnan ta normalisando. Desde e horcannan den region Caribense di
September 2017 Aruba a experiencia crecemento consistente den demanda y ocupacion. Pa motibo di e
extra demanda pa nos isla, e prijsnan tambe por a aumenta den 2018 y 2019. Den ultimo lunanan por a
ripara cu e demanda a cuminsa nivela, y prijsnan ta cuminsa baha bek.
RevPAR: E entrada averahe pa tur camber disponibel, na Februari tabata $328.05 un reduccion di 0.6%
compara cu un aña pasa.
Na Januari y Februari Aruba a experiencia cu ocupacion averahe a reduci. Mientrastanto nos por spera
mas reto grandi pa turismo den lunanan venidero, pa motibo di e efecto di Coronavirus COVID-19 riba
biahamento mundial. Mayoria di hotel ta ricibiendo cancelacion di reservacion pa e lunanan nos dilanti y
e cantidad di reservacion tambe a cay. Ta esencial pa mercadeo internacional pa Aruba no solamente
continua pero aumenta, pa por minimilisa Aruba su perdida di entrada di turismo.
E cifranan di AHATA ta basa riba 19 hotel miembro: Amsterdam Manor Beach Resort, Barceló Aruba,
Boardwalk Boutique Hotel, Brickell Bay Beach Club, Bucuti & Tara Beach Resort, Courtyard by Marriott
Resort, Divi & Tamarijn All-Inclusive, Eagle Aruba Resort, Holiday Inn Resort Aruba, Hyatt Regency Aruba,
Hyatt Place Aruba Airport, Manchebo Beach Resort, Marriott Aruba & Stellaris Casino, Paradera Park,
Renaissance Aruba Resort, The Ritz-Carlton Aruba, RIU Palace, RIU Antillas y Talk of the Town Hotel.

Related posts

PHP pa medio di ‘Tienda di Ley’ ta informa: Adkiri e nacionalidad Hulandes mediante un ‘optieverklaring’

EA News Author

Pakico bo mester sa bo cifranan di presion di sanger?

EA News Author

Minister Endy Croes presente na e gran apertura di festival di buki pa mucha

EA News Author

Leave a Comment