Local

Damanan di Arubus, Aruparking y Arutram a haya charla den coneccion cu celebracion di Dia di Hende Muher

Whatsapp Image 2020 03 06 At 3.51.29 Pm

ORANJESTAD,Aruba

Pa conmemora e lucha pa igualdad di genero, especialmente di e ser femenino, Arubus NV a
organisa un charla pa su empleadanan. A trece hunto e personal femenino cu ta labora tanto
na Arubus, pero tambe na Aruparking y Arutram, pa asina comparti un rato ameno, den
colegialidad y semper recordando e esencia, lucha y perseverancia di e hende muher den nos
bida.
E atardi a cuminsa cu un charla duna pa sra. Nadine Antersijn di Momax Trainings & More,
kende a enfoca riba e lucha cu e ser femenino a hiba durante decadanan pa haya un trato igual
den comunidad, y con awendia nos por ta testigo di evolucion personal y profesional di e
hende muher den tur ambito. Nadine ta un profesional y entrepeneur, cu tin un famia pa
atende, y asina mes e ta mantene su negoshi y ta consciente cu su bienestar personal mester
keda un prioridad.
Tambe a conta cu presencia di sra. Desline Loefstok, cariñosamente conoci como Dess,
kende ta un Make Up & Tattoo Artist profesional, cu na su 29 aña di edad ta doño di su
mesun negoshi y na mes momento tin su casa y ta mama di 2 yiu muher. Dess a comparti su
mesun storia como hende muher, pero tambe a duna guia di con e ser femenino mester duna
tempo na su mes tur dia pa por mantene su mes como e pilar principal di su hogar. 
Tabata un atardi sumamente ameno caminda e damanan di Arubus, Aruparking y Arutram a
keda satisfecho di por a experiencia y comparti empoderamiento hunto.

Related posts

Detencion riba lama

EA News Author

Parlamentario Endy Croes ta contento cu minister Dangui Oduber ta pone atencion na nos atletanan

EA News Author

Den Nacional report convention of biological diversity a saca afo cu awanan di dutchcaribbean no tin nada cu ta mustra cu naturalesa ta recuperando di su mes

EA News Author

Leave a Comment

Whatsapp Message