Featured Local

AHATA ta distribui su ‘Hurricane Preparedness Guide 2021’


Aruba Hotel & Tourism Association (AHATA) a distribui su ‘Hurricane Preparedness Guide 2021’ pa yuda tur compania miembro planea pa e temporada di horcan.

 

E temporada di horcan Atlantico 2021 lo inicia oficialmente 1 di juni y lo termina dia 30 di november 2021. Mirando cu 2020 tabata e di seis aña consecutivo cu un tormenta a forma y ta nombra prome cu e comienso di e temporada di horcan, National Hurricane Center (NHC) lo cuminsa pronostico di tempo rutina riba 15 di mei. Esaki kiermen cu tur residente, compania y institucion mester ta alerta y prepara prome cu e fecha usual di 1 di juni.

 

A pesar cu Aruba no ta situa den zona di horcan den Caribe, nos no ta completamente afo di peliger y p’esey ta hopi importante pa ta prepara. Segun pronostico, e temporada di horcan binidero lo ta uno sobrenatural y hopi activo. E ‘Hurricane Preparedness Guide 2021’di AHATA ta aproba door di Bureau Rampenbesrijding Aruba. Tur 125 miembro di e asociacion di compania cu ta depende di turismo a ricibi e guia y AHATA ta spera cu cada uno lo repasa e documento detayadamente y prepara pa cualkier actividad cu e temporada di horcan Atlantico 2021 lo presenta.

Related posts

Pronostiko di Tempu pa aruba

EA News Author

Departamento di Impuesto ta introduci 522 7424 como un otro number di contacto general

EA News Author

Anuncio di Morto : A fayece Ronald Henrique Dirkz

EA News Author

Leave a Comment