Mundialmente ta celebra Where Pink , esaki ta significa cu tur persona cu ta sufri di cancer di pecho y esunnan cu tin e pashent nan aki na pecho ta haci algo pa conscientisa tur hende y pa purba recauda mas fondo pa asina sigui cu e investigacionnan pa mehora tratamento, moda di biba pa tur e pashent nan cu cancer di pecho, asina director di IMSAN Joel Rajnhero a duna di conoce den conferencia di prensa .
Pa kico IMSAN a scoge awe 22 di october 2021 pa conscientisa nos hende nan na Aruba y tur e turistanan cu ta yega Aruba , pa sa cu Aruba ta consciente di e sufrimento di tur e pashentnan cu tin cancer, pero principalmente esunnan cu tin cancer di pecho.
Loke cu ta un realidad ta cu cancer di pecho ta domina hopi serca e ser femenino , pero algun biaha como excepcion tambe tin ser masculino cu ta haya cancer di pecho. Segun director di IMSAN Joel Rajnhero un 18 luna pasa IMSAN porfin por a cuminsa cu tratamento di bestraling pa tur e pashent nan na Aruba. For di e momento ey cu a cuminsa haci e tratamento aki na Aruba mes no tabatin mester di manda pashent den exterior mas. Esaki sigur ta un adelanto pa mundo medico na Aruba. Loke ta un alegria ta cu e personanan ta cuminsa cu nan tratamento aki na Aruba mes y ya caba tin mas cu 300 persona cu a caba cu nan tratamento caba na Aruba mes. Ta trata aki di 140 pashent cu tin cancer di pecho, esey ta dos biaha mas cu e ser masculino cu ta e cancer dominante di prostaat.
IMSAN kier a celebra hunto cu tur trahado riba e fecha aki , a bin diferente opcionnan pa mustra comunidad y turistanan cu IMSAN ta sostene e personanan cu ta pasa door di e tratamento aki, pero e sugerencia cu a bini di ambulance tabata pa haci full un ambulance pink y cu lo hiba e mensahe unda cu ta rond di Aruba cu e ambulance mester asisti. Di e manera aki ta duna apoyo na tur persona cu a sufri of ta sufriendo cu cancer di pecho, IMSAN kier apoya nan y conscientisa henter pueblo di Aruba.