Den e mundo di awendia traficación di droga ta noticia tur siman, inflación y aumento di prijs ta afectando famianan mas cu nunca y den e mesun rosea no tin aumento di salario pa combati e demanda grandi den nos comunidad. Kiko nos por hasi pa nos hobenan tin speransa den nan futuro? Con por logra cu un mucha por hasi un bon escohencia den e mundo turbulento cu nos ta biba aden?
Pa contesta e preguntanan aki YMCA y The Freewinds a traha hunto pa entrega e programa” E Caminda pa Felicidad” na e muchanan di 8 pa 14 den nan programa di YMCA.
Durante e entrega tur mucha a recibí nan propio copia di e buki “E Caminda pa Felicidad” na Papiamento. E Caminda pa Felicidad ta un buki no religioso basa riba código moral y basa riba sentido común, scirbi pa L. Ron Hubbard. E ta yena e vacuum moral den un sociedad mas materialista tur dia. E ta contene 21 principio básico cu ta guía un persona na un mihor calidad di bida pa nan mes, nan famia y esnan rond di dje.
E muchanan tawata asina eksita cu bo por a sintie den e local. Una bes cu nan a cuminsa lesa e buki nan a mustra hopi interés y inmediatamente nan a cuminsa lansa preguntanan al caso na e representante di Freewinds, cu a duna e seminario. Na final di e prome seminario e muchanan a keda hopi eksita pa sa precies na unda y ki ora e siguiente les lo ta.
Freewinds ta un barco cu su meta ta pa crea un mihor mundo. Ora e pandemia a dal den 2020 Freewinds tawata na Aruba. Su Ministerio di Boluntario a saca man pa yuda henter nos isla cu desinfección y educación. Nan motto tawata ”Hasi di Aruba e lugar mas sigur na mundo.”
Awendia Freewinds ta sigui yuda Aruba hunto cu NGO’s, manera YMCA, cu nan programanan humanitario pa yuda nos sociedad atrobe dor di comparti e meta di yuda nos comunidad lanta atrobe. YMCA y Freewinds sa cu educando nos hobenan cu “ E Caminda pa Felicidad”,ta e mihor manera pa yuda nan hasi e mihor escohencia den nan bida. E acción riba su mes lo influencia e bida di esnan cu nan ta biba cune.
FREEWINDS Y REPRESENTANTENAN DI YMCA MUSTRANDO E BUKINAN DI “ E CAMINDA PA FELICIDAD”
Sra. Mariana Kelly-Paula, directora di YMCA Aruba a bisa lo siguiente: ”YMCA Aruba ta masha gradecido pa e ayudo cu nos a ricibi di Freewinds den e ultimo añanan. Freewinds no a yuda nos solamente durante e pandemia di Covid dor di desinfecta tur dos di nos centro, pero tambe nan a mustra nan caridad dor di organiza actividadnan special pa e participante di nos programa después di scol. Un di erecuerdo mas grato ta ora Santa a yega y duna tur participante un regalo di Pasco. Nos ta gradici Freewinds pa tur cos and nos ta contento pa e actividadnan di e capitulo nobo den nos alianza.”
