Minister di Labor, energia y integracion Glenbert Croes a duna EA news un primicia na unda cu den luna di october cu e compania “Armstrong International LLC” a identifica gas den nos awanan teritorial a bula bin te Aruba pa asina informa gobierno riba e situacion. Mes un cos cu den golfo di Mexico unda cu ta explora gas y petroleo, unda cu a constata presencia di bubble di petroleo den Golfo di Mexico, esaki ta e caso den e awanan teritorial di Aruba tambe.
Segun Minister di Labor, energia y integracion Glenbert Croes na Aruba no a identifica solamente gas pero a identifica petroleo tambe. Esaki ta un rikesa cu ta pertenece na e pueblo di Aruba y e mester wordo maneha na un forma responsabel debi cu lo e cambia bida di tur persona na Aruba, nan bida ta bay cambia.
Awor mester percura pa e rikesa aki yega den tur cartera di tur famia na Aruba, e no ta un rikesa pa gobierno di Aruba, pero e ta un rikesa pa e pueblo di Aruba. Minister di Labor, energia y integracion Glenbert Croes ta duna ehempel cu tin modelo na Noruega cu Aruba por mira na dje unda cu ta pone placa den un fondo unda cu ta percura cu tur ciudadano sea e ta haya un 13de maand, balasting di e pais ta baha, awa y coriente ta baha y na unda cu ta cuminsa subsidia y alivia e bida di tur famia na Aruba paso e rikesa di subsuelo di Aruba ta un rikesa cu ta pertenece na Aruba y na tur e ciudadanonan cu ta biba na Aruba.
Minister di Labor, energia y integracion Glenbert Croes no kier duna mucho detaye mirando cu e team completo di “Armstrong Oil and Gas” ta na Aruba den luna di october y lo informa gobierno y pueblo di Aruba riba e datonan di e expertonan pa asina tur hende realisa cu esaki ta un rikesa cu ta pertenece na e pueblo di Aruba.
Loke ta un realidad ta cu na momento cu Repsol a stop di explora petroleo na Aruba nos tur por a bisa esaki ta e final, pero segun Minister di Labor, energia y integracion Glenbert Croes un cos cu e por corda di su bieu nan “ si tin 1 % di chance bay pe” esaki a keda semper den su cabes cu a conduci cu e minimo speransa cu tabatin a kere den e 1% ey y awe Aruba ta para na un inicio di era cu ta bay cambia bida di henter e pueblo aki.
E cambio di bida ta hasta pa esun cu no ta kere y lo mira,sinti y beneficia loke ta bay pasa.
https://youtu.be/gd-q3k_NuIg