Minister Ursell Arends tabata presente riba Plaza Betico Croes y como gobierno, lider di partido RAIZ , pero tambe como un Arubiano dia 18 di maart ta un dia cu por sali y demostra patriotismo pa loke ta trata nos Pais. Ta importante cu na momento cu tin tipo di actividadnan asina pa sali afo tanto e Arubianonan cu a nace aki y tambe esunnan cu a bin biba na Aruba mester inclui e cultura di Aruba como parti di nan tambe.
E sentimento di ta patriotico pero tambe e sentimento di amor y gracia cu nos tin pa Aruba. Minister Ursell Arends ta kere cu mas y mas durante di transcurso di aña ta tuma nota cu mas y mas e hendenan ta sali y celebra y ta presente na mas cu 30 luga rond di nos isla y ta tuma nota di e autonan cu tambe ta sali y hisa nan bandera y core rond di nos isla. Esaki ta un sentimento cu mas y mas e hende nan ta sali y celebra Aruba su 18 di maart. Aruba ta nos Pais e ta nos pida baranca cu ta duna nos e oportunidadnan y cu nos mester sali di un forma di ta orguyoso y celebra nos sentimento patriotico.