Social

Aruba Bank cu campaña Special pa tur team di futbol di Aruba Team Spirit Campaign


Durante un transmision LIVE di Mundial 2022 via Tele Aruba, Aruba Bank a anuncia un campaña special cu yama “Team Spirit Campaign”. E campaña aki ta dedica na TUR ekipo di futbol di Aruba cu por participa y GANA un set di uniform nobo pa nan ekipo pa e temporada di 2023. 

Tur informacion di e campaña aki ta disponibel riba nos website www.arubabank.com/team-spirit.  

Pa registra bo ekipo ta facil. Una bes bo ta riba e pagina di campaña riba nos website, sigui e siguiente pasonan: 

  1. Klik ariba “Register Team”.
  2. E coach of persona di contacto di e team ta yena tur informacion di su persona y ta registra e ekipo.
  3. Ariba e mesun pantaya, por ‘upload’ e potret di team. 
  4. Ta rekeri pa scoge un frame y scoge dos sticker minimal pa haci un potret mas festivo den e tema di Mundial. 
  5. Y klik “Enter Team”. 
  6. Unabes a upload e potret, lo ricibi un link cu e ekipo por comparti cu famia, amigonan y henter comunidad di Aruba pa nan por vota pa e ekipo. 

Tur ekipo di futbol di Aruba por participa, tur division y categoria por participa. No ta importa si bo tin un ekipo di futbol femenino, masculino, U13, Division Honor, Division 1, Division Damas, Liga Hubenil, Lifida, Veterano etc. Cada ekipo por participa un biaha so. 

Na final, e ekipo cu mas voto ta gana. Pues unabes cu a upload di e ekipo participante, por cuminsa comparti e link y invita comunidad di Aruba pa vota. 

E link pa vota bo por hañe tambe riba e website di Aruba Bank. 

Nos ta invita tur ekipo pa participa. Scoge nan potret di ekipo, y participa cu e oportunidad pa gana uniform nobo pa aña 2023! E campaña aki ta inicia awe 29 di november, y ta termina dia 7 di december 2022 pa 10’or di anochi. 

Related posts

#MiMundoNobo den wowo di nos hobennan

EA News Author

Tempo pa prepara bo boto contra horcan ta: awor!

EA News Author

Scolnan a ricibi video link di produccion “Dia di San Juan – Dera Gay”

EA News Author

Leave a Comment