Na Kòrsou, 28 kandidato a kuminsá ku nan Formashon Militar Inisial (EMV). Despues di finalisá e simannan di introdukshon, e kandidatonan a kuminsá ku nan promé ehersisio. Aktualmente nan ta pasando den un siman di bivak ku hopi reto na e sitio di e kompania di mineria na Fuik. Na finalisashon di e EMV, ku ta dura seis luna en total, kandidatonan lo ta kla pa avansá pa e unidatnan operashonal di ARUMIL òf CURMIL.
Durante e promé ehersisio, kandidatonan a pone den práktika e konosementu atkerí durante e simannan di introdukshon. Entre otro, nan ta siñando abilidatnan básiko militar i ta praktiká e maneho seif di arma.
E kandidatonan mas adekuá a wòrdu selektá pa e EMV a traves di un proseso di selekshon riguroso ku a tuma lugá na kuminsamentu di e aña aki. E entrenamentu a kuminsá ku simannan di introdukshon na Kazèrne di Marina na Suffisant. Durante e simannan aki di introdukshon a enfoká riba formashon di tim, òrdu i disiplina, i e atkisishon di abilidatnan básiko militar.
