Featured Curacao Internacional

Na Korsou kargamentu di mas ku 1.000 kilo di kokaina a keda confisca door di Wardakosta


Wardakosta a detektá un kontakto sospechoso den serkania di Kòrsou. Sentro operashonal di Wardakosta rápidamente a dirigí e helikòpter na e sitio. Despues di a detektá e go-fast riba laman e helikòpter a risibí asistensha di e cutter Jaguar i un boto patruyero Metal Shark di Wardakosta.

Riba e go fast tabatin tres hòmber, dos Colombiano i un Dominicano. Despues di intersepshon di e go-fast unidatnan di Wardakosta a hiba esaki na e pir.  Aki a resultá ku e hòmbernan tabata transportando paketenan ku probablemente droga. Despues di investigashon a resultá ku enbèrdat tabata trata di droga. E tres hòmbernan ademas di e paketenan di droga a keda entregá na Kuerpo Polisial di Kòrsou, pa investigashon den e kaso aki. E kargamentu di mas ku 1.000 kilo di kokaina entretantu a keda destruí.

Related posts

Studiante di Universidad di Aruba a presenta su estudio riba Sector Primario na Minister Chris Romero

EA News Author

Ontvanger a pone beslag riba kama di penshonado ku Alzheimer

EA News Author

Den luna di mei Tourism Corporation Bonaire a risibí varios ‘Influencer’, ‘Bloggers’ , prensa internashonal i e tim di Diamond Public Relations na Boneiru

EA News Author

Leave a Comment