BonaireFeatured

Petishon pa kompensashon koriente por lo pronto solamente digital

Petishon Pa Kompensashon Koriente Por Lo Pronto Solamente Digital

For di 28 di novèmber 2022 temporalmente por hasi petishon pa kompensashon pa koriente solamente digitalmente. Esei por via www.bonairegov.com i un klek riba ‘koriente’. Den e di dos mitar di yanüari 2023, siudadanonan por hasi nan petishon atrobe den bario, asina Direktorado Komunidat i Kuido ta laga sa. Lo anunsiá e fechanan mas despues.    

 Suidadanonan ku tin problema pa hasi e petishon digitalmente por yama e number 701 1055. ,,Nos ta yuda nan e ora ei ku e petishon digital,’’ asina kordinadó Terrence Jansen di Komunidat i Kuido ta splika.  

 

,,Trabou ta sigui normalmente pa nos. E simannan ku ta bini meskos ku último tempu, nos ta prosesando i kaba atendé petishon.  Nos ta tuma kontakto tambe ku hendenan ku a hasi un petishon i mester entregá dokumento ainda. Òf pa informá hende ku nan a haña e kompensashon.”

Pa pregunta tokante e kompensashon, siudadanonan por yama 701 10 55 òf manda un whatsapp. Nan por manda un meil tambe pa koriente@bonairegov.com

Related posts

Propiedad cumpra pa un cas di refugio pa violencia domestico na Saba

EA News Author

Tres morto den trafico

EA News Author

Scolnan a ricibi video link di produccion “Dia di San Juan – Dera Gay”

EA News Author

Leave a Comment

Whatsapp Message