Aruba Bank ta anuncia cu orguyo e retiro di Marjan Groot, un miembro di e ekipo cu ta altamente aprecia y respeta, cu a forma un parti integral di e banco desde 1 di januari 1995. Marjan a cuminsa su carera como Senior Account Manager den “Corporate Department” y durante su trayectoria a laga un marca inolvidabel na e organisacion cu su lealtad, dedicacion y servicio excepcional.
Durante su 29 aña na Aruba Bank, Marjan a keda reconoci no solamente pa su profesionalismo y etica laboral, pero tambe pa su apoyo constante na su colega y su disposicion pa semper bai e “extra mile”. Den 2023, Marjan a ricibi e Lifetime Achievement Award, un reconocemento di su carera extraordinario y su contribucion inigualabel.
E impacto di Marjan na Aruba Bank no por wordo subestima. Su compromiso, e experiencia y spirito di ekipo a sirbi como inspiracion pa nos tur. Nos ta sumamente agradeci pa su aña di servicio y ta desea Marjan un retiro bon mereci yena di felicidad.
