Aruba Bank awe a publica su Relato Anual 2025, marcando
un logro historico mientras e banco a celebra 100 aña di servicio na Aruba. E aña di celebracion tabata
defini pa un desempeño financiero fuerte, innovacion continuo y un impacto significativo den comunidad.
A traves di e movecion “We Are Centennial”, Aruba Bank a honra su legado cu iniciativanan cu a
fortalece lazonan comunitario, a amplia impacto caritativo y a reforza e compromiso di e banco cu
cultura, innovacion y su hendenan.
Segun Sr. Rob de Ridder, Managing Director di Aruba Bank, den 2025 e enfoke di e banco ta pa fortifica
accesibilidad y acelera progreso digital na un manera cu realmente ta beneficia clientenan. Cu reapertura
di e Mainstreet Self-Service Branch, lanzamento di e Savaneta Drive-Thru Park, y introduccion di
solucionnan manera Secure Chat den Aruba Bank Mobile y Sentoo.me, e banco a tuma pasonan
importante pa haci asuntonan bancario mas accesibel pa su clientenan, y alinea cu e mundo bancario di
awendia.
“Mientras nos ta drenta den nos di dos siglo, nos ta keda enfoca riba construi un banco cu ta innovativo,
accesibel y profundamente conecta cu e necesidadnan di nos clientenan y nos comunidad,” a comparti
Sra. Marleen van der Borgt, Managing Director di Aruba Bank. “Nos 100 aña a reafirma nos
responsabilidad pa sigui evoluciona mientras nos ta keda fiel na e balornan cu a guia nos durante 100
aña.”
Aruba Bank a logra resultadonan resiliente den 2025, manteniendo posicionnan fuerte di capital y
liquidez cu a surpasa e rekesitonan regulatorio, y logrando crecemento sostenibel den su servicio nan
Retail, Business y Platinum Banking.
Aruba Bank su visión y compromiso ta pa keda mantene un relación financiero y confiabel cu su cliente
nan, y sigi aporta den e futuro bancario di Aruba, guia pa su balornan; profesionalismo, responsabel y
innovacion.
Nos ta extende nos aprecio y gratitud na nos clientenan y empleadonan pa nan confiansa y apoyo
continuo.
E Relato Anual 2025 ta disponibel aki https://www.arubabank.com/About-Us/About-Us/Annual-Report.
Aruba Bank ta celebra 100 aña di confiansa, innovacion y compromiso cu comunidad
