Directiva di Aruba Karate Bond (AKB) tin e grato placer di informa cu su plan 2022 ta cla pa wordo ehecuta. Ta ranca sali cu e prome tryout pa 2022 cu ta tuma luga diasabra 19 di februari 2022 pa 7:00or di mainta den gymzaal di Maria College MAVO. Pa participa na e tryout 2022 e karateka mester cumpli na e exigencianan conforme maneho y reglamento di AKB y Aruba. E karateka interesa pa drenta seleccion mester ta afilia na AKB, e tin paspoort Hulandes, tin minimo 12 aña y e grado Kyu 4<.
AKB ta invita tur instructor miembro di AKB pa manda nan lista di candidato na karatebondaruba@gmail.com Scolnan di karate cu no ta miembro di AKB pero ta desea di afilia, por haci esaki door di comunica via e mesun email pa haya mas informacion
Aruba Karate Bond Tryouts 2022
